ພາຍຫຼັງມະຫະ​ກຳ​ກິລາ​ຊີ​ເກ​ມ ຄັ້ງທີ 25 ທີ່ລາ​ວ​ເຮົາ​ເປັນ​ເຈົ້າພາບ​ໄດ້​ປິດ​ລົງ​ຢ່າງ​​ເປັນ​ທາງ​ການ ​ໃນ​ວັນ​ທີ 18 ທັນວາ 2009,  ​ເວົ້າ​ໄດ້​ວ່າ​ລາວ​ເຮົາ​ກໍ່​ແມ່ນ​ອີກ​ຊາດໜຶ່ງທີ່​ສາມາດ​ຈັດ​ງານ​​ໄດ້​ດີ ​ແລະ ຍິ່ງ​ໃຫ່ຍຄື​ກັບ​ຊາດ​ອື່ນໆ,  ມາ​ໃນ​ວັນ​ທີ 20 ທັນ​ວາ 2009 ລັດ​ວິ​ສາ​ຫະກິດ​ໄຟຟ້າ​ລາວ​ ​ໄດ້​ຮັບ​ກຽດ​ເປັນ​ເຈົ້າພາບ​ຈັດການ​ແຂ່ງຂັນ​ກອບ ​ເພື່ອ​ຊົມ​ເຊີຍ​ຜົນສຳ​ເລັດ​ທີ່​ ຟຟລ ​ໄດ້​ສາມາດ​ຮັບປະ ກັນໄຟຟ້າຮັບ​ໃຊ້​ ​ໃນ​ງານ​ມະຫະ​ກຳ​ຊີ​ເກ​ມຄັ້ງທີ 25 ​ໂດຍບໍ່ໃຫ້ມີ​ໄຟ​ຟ້າຕົກ​​​ ໄຟ​ມອດ​ໃນ​ໄລຍະ​ດັ່ງກ່າວ. ພິທີໄດ້​ຈັດ​ຂື້ນທີ່​ສະໜາມກອບ​ບູຢ່ອງ ຫຼັກ 18 ໃຫ້ກຽດ​ເຂົ້າຮ່ວມ​ໂດຍ ທ່ານ ບຸນ​ຍັງ ວໍລະ​ຈິດ ຮອງ​ປະທານປະ​ເທດ​ແຫ່ງ ສປປລາວ ທ່ານ ສົມສະ​ຫວາດ ​ເລັງ​ສະຫວັດ ຮອງ​ນາຍ​ຍົກ​ລັດຖະມົນຕີ ຜູ້​ປະຈຳການ​ລັດຖະບານ ປະທານ​ຈັດ​ງານ​ມະຫະ​ກຳ​ກິລາ​ຊີ​ເກ​ມ ຄັ້ງທີ 25, ພ້ອມ​ບັນດາ​ທ່ານ​ລັດຖະມົນຕີ ​ແລະ ທ່ານ ທູດຕາ​ນຸທູດ​​ 10 ປະ​ເທດອາ​ຊ່ຽນ​ປະຈຳ​ລາວ.